Emetimet më te rendesishme në fazën operacionale të TEC do jene emetimet ne ajer gjate fazës se operimit.
Keto do jene emetime afatgjate te cilat do emetohen gjate gjithe fazes se operimit te TEC.

Centrali do të pajiset me pajisje të fjalës së fundit dhe me mekanizma djegës të gjeneratës së fundit, me emetime
të ulëta të Nox, të cilat përmbushin standardet e BE-së për emetimet (Direktiva 2017/1442 e BE-së).

TEC-i është projektuar me teknologji bashkëkohore Siemens, e cila garanton efikasitet të lartë dhe nivele të ulëta emetimesh. Përmirësimi i teknologjisë së procesit të djegies në impiantet moderne është faktori kyç që ndikon drejtpërdrejt në sasinë e gazeve të emetuara në mjedis. Sa më i optimizuar të jetë procesi i djegies, aq
më efikas është shndërrimi i energjisë së karburantit në energji elektrike dhe, njëkohësisht, aq më të ulëta janë emetimet në atmosferë.

Në këtë kuadër, teknologjitë moderne të Siemens fokusohen në:

• përmirësimin e efikasitetit të djegies,
• minimizimin e konsumit të gazit natyror,
• reduktimin e oksideve të azotit (NOx), monoksidit të karbonit (CO) dhe ndotësve të tjerë.

Emetimet e gazeve gjate fazes operacionale jane Brenda normave te lejuara referuar standarteve te Shqiperise
dhe EU. TEC i projektuar dhe që do ndërtohet nga zhvilluesi FTE :

• Plotëson të gjithë kriteret IED mbi emetimet (Industrial Emissions Directive Directive 2010/75/EU )
• Brenda intervalit BAT-AEL të BE-së ( Best Available Techniques – Associated Emission Levels)
• Klasifikohet si Best Available Techniques-compliant CCGT
  Nuk pritet asnjë ndikim në shëndetin e komunitetit, as gjatë fazës së ndërtimit dhe as gjatë fazës operacionale,
  në lidhje me emetimet e gazeve apo nivelin e zhurmave. Gjatë hartimit të VNM-së së thelluar, Zhvilluesi ka
  kryer modelimin/dispersionin e emetimeve të gazeve dhe zhurmave, duke marrë në konsideratë cilësinë
  aktuale të mjedisit, karakteristikat e terrenit dhe kushtet meteorologjike.

Modelimi, i realizuar nga konsulentë ndërkombëtarë, ka përfshirë të gjitha gazrat e emetuara nga të dy oxhaqet
e TEC-it dhe është zhvilluar për të gjitha skenarët e funksionimit (përfshirë kapacitetin maksimal). Rezultatet
tregojnë se përqendrimet e gazeve dhe nivelet e zhurmës janë shumë më të ulëta se kufijtë e lejuar dhe nuk
shkaktojnë ndikim në cilësinë e ajrit, shëndetin e komunitetit apo bimësinë. Vlerësimi përfshin skenarë të
bazuar në modalitete përfaqësuese të funksionimit të lidhura me rastet e mëposhtme:

• Rasti nr. 1: Pesë vitet e para të operimit
• Rasti nr. 2: Njëzet vjet operim
• Rasti nr. 3: Operim në ngarkesë bazë (baseload)

Burimet kryesore të zhurmës gjatë funksionimit të TEC janë:

• Kondensuesi ftohesi me ajër (ACC) ose kulla ftohëse,
• Gjeneratori i turbinës me avull (STG),
• Dhoma e djegies,
• Gjeneratori i avullit të rikuperimit të nxehtësisë ( HRSG).

Menaxhimi i zhurmës rregullohet nga dispozitat :

• ligjit Nr. 9774/2007 ”Për vlerësimin e ndotjes akustike “ dhe Ligji nr. 39/2013 që perditëson Ligjin
  nr. 9774 për vlerësimin e ndotjes akustike.
• Kuadri legjislativ bazohet në dispozitat e Direktivës 2002/49/EC në lidhje me vlerësimin dhe
  menaxhimin e zhurmës mjedisore.
• Standardet kombëtare të zhurmës bazohen në Udhëzimin nr. 8, datë 27.11.2007, “Normat e
  përcaktuara të zhurmës në mjedis”, i cili përcakton nivelet kufitare të zhurmës për mjedise të
  ndryshme. Këto standarde janë të harmonizuara me kriteret e Organizatës Botërore të Shëndetësisë
  (WHO) dhe me Direktivën Evropiane për Zhurmën Mjedisore 2002/49/EC, të cilat zbatojnë pragje të
  ngjashme për nivelin e zhurmës.

Zhvilluesi FTE ka kryer modelimin e emetimeve të zhurmës gjatë fazës operacionale dhe ka konkluduar se niveli i zhurmës që arrin në zonat e banuara mbetet ndjeshëm nën kufijtë ligjorë prej 70 dB(A), duke mos shkaktuar asnjë ndikim të dëmshëm për komunitetin apo mjedisin përreth.